Yüksək Hərarəti Salan Qidalar

Valideynlərin ən böyük kabusu, şübhəsiz ki, yüksək hərarətdir (qızdırma). Bədən istiliyi 37,5 dərəcədən yuxarı qalxırsa, bu, uşağın isti olduğunu göstərir. Əsasən soyuq qış günlərində xəstə olan uşaqların bu vəziyyəti təşvişə səbəb olur, ancaq sakit olmağı bacarmalısınız. Uşaqlarının hərarəti yüksələn və yüksək hərarətə nəzarət etmək istəyən valideynləri maraqlandıran suallardan biri də “Ev şəraitində yüksək hərarətə nələr yaxşı təsir edir?” Evdar.az yüksək hərarəti salan təbii üsulları təqdim edir.

Soyuq Su

Hərarəti salmaq üçün istifadə edilən ən məşhur üsullardan biridir. Bu üsul üçün, soyuq krant suyuyla bir dəsmalı isladın və artıq suyu sıxdıqdan sonra qasıq, qoltuq altı, ayaq və əlləri dəsmalla ovun. Dəsmalı təkrar isladıb çox suyunu sıxdıqdan sonra alının üzərində gözlədin. Bu prosesi gündə bir neçə dəfə və ya hərarət düşənə qədər təkrarlayın. Soyuq təzyiq prosesində tez-tez edilən səhvlərdən biri də buzlu su istifadə etməkdir. Bu proses üçün buzlu sudan istifadə etməyin

Alma Sirkəsi

Alma sirkəsi, bədən istiliyini çəkir və bədənin pH dəyərini tarazlayaraq yüksək hərarəti sürətli bir şəkildə salır. Bundan əlavə yüksək mineral məzmunu sayəsində bədənin itirdiyi mineralları yerinə qaytarır. Alma sirkəsinin istifadəsi həm böyüklər, həm də uşaqlar üçün uyğundur. Bərabər miqdarda alma sirkəsi və suyu bir qaba tökün. Daha sonra bir cüt corabı bu qarışığa salın. Corabdakı çox mayeni sıxdıqdan sonra ayağınıza geyinin və quruyana qədər gözlədin. Bu prosesi hərarətiniz düşənə qədər, mümkün olduqca təkrarlayın.

Reyhan Çayı

Reyhan və ya digər adıyla bazilik çayının antibakterial , antibiotik və antiinflamatuar xüsusiyyətləri vardır. Bir çay qaşığı reyhanı yarım çay qaşığı istiot ilə birlikdə 1 stəkan isti suyun içərisinə atıb, bir neçə dəqiqə dəmlənməsini gözləyin. Dəmlənən qarışığı süzüb dadlandırmaq üçün bir az bal əlavə edin və için . Yüksək hərarətdən xilas olana qədər 2-3 dəfə bu çaydan için.

Sarımsaq

Sarımsağın immunitet sistemini gücləndirdiyi və viruslarla mübarizə etdiyi bilinir. Sarımsaq, antiviral xüsusiyyətiylə yüksək hərarətdən xilas olmağınıza da köməkçi olur. Bir stəkan isti suya 1 diş əzilmiş sarımsaq əlavə edin və bir neçə dəqiqə dəmlənməsini gözləyin. Qarışığı süzdükdən sonra yavaş-yavaş udaraq için. Bu qarışığı yüksək hərarətdən xilas olana qədər içməyə davam edin.

Kəklikotu Çayı

İmmuniteti artıran və C vitamini anbarı olan kəklikotu, sadə istifadə edə biləcəyiniz kimi mərzə yarpaqları da əlavə edə bilərsiniz. 1 çay qaşığı kəklikotu və mərzə yarpağını 1 stəkan qaynar suya əlavə edin, 20 dəqiqə dəmlənməsini gözləyin. Çayı süzüb ilıq olaraq için. Təsirli bir sakitləşdirici xüsusiyyəti olduğu üçün bu çaydan gündə bir neçə dəfə için.

Üzüm Qurusu

Üzüm qurusu vitaminlər, minerallar və antioksidantlar baxımından zəngindir. Bu xüsusiyyətləriylə yüksək hərarəti qısa müddətdə salır. Yarım stəkan quru üzümü xırda doğrayıb 1 stəkan suya əlavə edin və yarım stəkan su qalana qədər qarışdıraraq qaynadın. Qarışığı ocaqdan götürüb soyuması üçün kənara qoyun. Qarışığı ilıq olaraq için . Gündə bir neçə dəfə təkrarlayaraq ən yaxşı nəticəni əldə edə bilərsiniz.

Kartof

Kartof, infeksiya qaynaqlı hərarətin salınması üçün istifadə edilir. Eyni zamanda hamiləlik dövründə hərarəti qalxan qadınların istifadə etməsi üçün də uyğundur. Kartofu incə dilimlər halında kəsib sirkənin içərisinə qoyun və 10 dəqiqə gözlədin. Daha sonra uzanıb kartof dilimlərini alınınıza yerləşdirin və kartofların üstünə bir parça örtün. 20 dəqiqə bu şəkildə gözləyib alnınızdan götürün. Bədən istiliyini kifayət qədər salmaq üçün bu prosesi gündə 2 dəfə təkrarlayın.

Zərdəçal (Sarıkök)

Zərdəçal , curcumin maddəsi baxımından zəngin olduğundan immunitet sistemini gücləndirir. Antiviral və antioksidant təsirə sahib olan güclü bitkilərdən biridir. Bu cəhətdən hərarəti salaraq ağırlaşmanın qarşısını alır. Yarım çay qaşığı zərdəçalı ,1/4 çay qaşığı istiotu 1 stəkan isti südün içərisinə əlavə edin və yaxşıca qarışdırın. Yüksək hərarətdən xilas olmaq üçün gündə 2 dəfə içmək kifayətdir.