Robert Dilts. “Teddidən gələn məktublar”

Onun adı xanım Tompson idi. İlk dərs günü öz yeni 5-ci sinfinin qarşısında dayanaraq xanım Tompson yaxşı bilirdi ki, utanmadan bu uşaqlara yalan söyləyir. Amma bir çox müəllimlər kimi o yenə də şagirdlərinə baxır və onları sevdiyini söyləyirdi. Ancaq bu mümkün deyildi, çünki birinci sırada, Teddi Stoddard  adlı oğlan əyləşmişdi. Xanım Tompson bütün ötən il ərzində Teddiyə nəzarət etmiş, aydınlaşdırmışdı ki, O başqa uşaqlarla pis davranmaqla yanaşı, məktəbə yuyunmadan, əyni-başı natəmiz gəlir. Bundan əlavə O, qabalıq edirdi. Bu oğlana qarşı olan etinasızlıq elə bir səviyyəyə çatmışdı ki, artıq xanım Tompson Teddinin dəftərindəki səhvləri böyük zövqlə, qırmızı, yağlı qələmlə üstündən xətləyib, sonda nəhəng bir iki yazırdı.

Orqanik.az ailehekimi.az-a istinadən bildirir ki, xanım Tompsonun dərs verdiyi məktəbdə hər bir uşağın şəxsi xasiyyətnaməsi ilə yaxından tanış olmaq tələb olunurdu və o, Teddini sona saxladı.  Lakin onun  şəxsi qovluğu  ilə tanışlıq xanım Tompsonu  dəhşətli dərəcədə təəccübləndirdi. Birinci sinifdə Teddinin müəlliməsi yazırdı. ” Teddi parlaq və şən uşaqdır. O, ev tapşırıqlarını səhmanla yerinə yetirir, yaxşı rəftarı ilə hər kəsdən fərqlənir, Teddi sanki sevinc saçır”.  İkinci sinif: “Teddi  mükəmməl şagirddir , sinif yoldaşları onu  çox sevir, amma o gərgindir. Çünki onun anası ölümcül xəstədir və bu balacanın evdə yaşadığı abu-hava  başdan ayağa həyati mübarizədir. Üçüncü sinif : Teddi anasının ölümünü  ağır keçirdi. O, var gücü ilə çalışır, təəssüf ki, atası onun həyatına böyük maraq göstərmir, müəyyən  tədbirlər görülməzsə, onun evdəki durumu tezliklə ona pis təsir edəcək. Dördüncü sinif: “Teddi özünə qapanıb, dərsə böyük maraq göstərmir. Onun dostları azdır və bəzən dərsdə yatır” Artıq xanım Tompson uşaqla nə baş verdiyini anladı və utandı.  Milad bayramında Teddidən başqa  bütün uşaqların  gətirdikləri, parlaq  kağıza bükülüb qırmızı lentlə bağlanmış  hədiyyələri gördükdə xanım Tompson özünü daha da pis hiss etdi. Teddinin hədiyyəsi ərzaq mağasından əldə olunmuş yöndəmsiz bir vərəqə bükülmüşdü. Xanım Tompson bilərəkdən bütün hədiyyələrlə yanaşı Teddinin də hədiyyəsini açdı. Teddi müəlliməyə bəzi daşları çatışmayan saxta brilliantdan ibarət  olan qolbağı və dağarcıqda yalnız 1/4 hissəsi qalan ətir hədiyyə etmişdi. Hədiyyəni görən bəzi uşaqlar xısın-xısın  gülməyə başladılar. Amma xanım Tompson uşaqları susmağa vadar etdi, ətirdən biləklərinə çəkib qolbağı qoluna taxdı. Xanım Tompson aldığı  hədiyyələrdən  qürür duyduğunu və nə qədər dəyərli olduğunu bildirdi. Həmin gün  Teddi Xanım Tompsona “Bu gün  sizdən anamın qoxusunu aldım” demək üçün  dərsdən sonra bir  qədər  yubandı.  Xanım Tompson bütün uşaqlar getdikdən sonra saatlarla göz yaşlarına qərq oldu.  O gündən etibarən oxu, yazı, riyaziyyat fənlərini tədris etmədi. Bunun əvəzində  indi onun üçün  yalnız uşaqlar  və onlara  öyrədiləcək daha vacib şeylər var  idi. Artıq xanım Tompson ona xüsusi diqqət yetirir və Teddinin qəlbi bundan sanki canlanmağa başlayırdı.  Hər dəfə onun tərifləyib, həvəsləndirdikcə o dərslərə daha fəal cavab verirdi. İlin sonuna yaxın  Teddi sinfin ən müvəffəqiyyətli şagirdlərindən birinə və müəllimlərin sevimlisinə çevrildi. Bir il sonra xanım Tompson öz qapısında Teddidən  kiçik bir məktub gördü.  O yazırdı, Xanım Tompson onun həyatında olan ən yaxşı müəllimdir.

Altı ildən sonra O, Teddidən daha bir məktub aldı. Teddi yazırdı,   çalışqanlığına görə orta məktəbi sinif üzrə  3-cü olaraq bitirir və  xanım Tompson onun həyatında ən yaxşı müəllim olub.

Dörd ildən sonra o bir məktub daha aldı. Məktubda bəzən keçirdiyi çətinliklərə baxmayaraq, tezliklə təhsilini davam etdirib kolleci əla qiymətlərlə bitirdiyini yazırdı.  O xanım Tompsona onun həyatında  sevimli və əvəzolunmaz müəllim olduğunu bir daha vurğulayırdı.

Dörd ildən sonra bir məktub daha gəldi. Bu dəfə o, bakalavr dərəcəsi aldığını və təhsilini davam etdirmək fikrində olduğunu bildirirdi. Məktubda xanım Tompsonun onun həyatının hələ də  əvəzolunmaz müəllimi olduğu qeyd olunurdu. Lakin indi onun adı bir qədər uzun idi. Məktubda belə yazılırdı – Teodor F. Stoddard tibb elmləri doktoru.

Bununla onun tarixçəsi bitmir. Həmin yaz bir məktub daha gəldi. Teddi yazırdı O, ecazkar bir xanımla tanış olub və evlənməyə qərar verib. O atasının bir neçə il bundan əvvəl vəfat etdiyini yazaraq,  xanım Tompsondan  toyunda adəti üzrə bəyin anasına məxsus olan yeri əvəz etməyə razı olub olmayacağını  soruşurdu. Əlbəttə ki, xanım Tompson razılaşdı. Bundan əlavə, xanım Tompson saxta brilliantdan ibarət  olan qolbağı taxmağı unutmadı. Bununla yanaşı, Teddinin bağışladığı və anasının son milad bayramında ətirləndiyi  dağarcığı taparaq onunla ətirləndi.  Onlar qucaqlaşdılar və doktor Teddi xanım Tompsonun qulağına  pıçıldayaraq dedi: “Mənə inandığınız üçün çox sağ olun. Özümə görə bir insan, fərd olduğumu  hiss etməyə şərait yaratdığınıza və bir mövqe sahibi ola bildiyimi mənə göstərdiyinizə görə sizə böyük minnətdarlığımı bildirirəm.”  Xanım Tompson doluxsunaraq cavabında pıçıldadı, əslində heç də belə deyil. Mənim nəyəsə qadir olduğumu başa düşməyə kömək edən sən oldun. Sənə rast gəlməyincə, mən  uşaqları necə öyrədəcəyimi bilmirdim.

Orqanik.az