Pəhrizdən sonra düzgün qidalanma necə olmalıdır?

Uzunmüddətli pəhrizə birdən ara vermək orqanizm üçün ciddi sınaq ola bilər və hətta xroniki xəstəliklərin – xolesistit, pankreatit, qastrit, mədə xorasının kəskinləşməsinə gətirə bilər.

Pəhriz yaxud orucu bitirərkən əməl edilməli olan əsas qayda, bunun mərhələli olmasıdır. Qadağan olunmuş qidalar həzm prosesinin pozulmasına və xroniki xəstəliklərin kəskinləşməsinə yol açmasın deyə növbə ilə və az-az rasiona daxil edilməlidir.

İlk günlərdə süd və fermentləşdirilmiş süd məhsulları daxil etmək məsləhətdir. Kəsmik, az yağlı qatıq, az miqdarda kefir və s.

Orqanik.az aztibb.az-a istinadən bildirir ki, ertəsi gün siz bişmiş və ya qaynadılmış yağsız balıq, balıq və ya toyuq şorbası yeyə bilərsiniz.

Yumurta qaraciyər və öd kisəsində gərginlik yarada biləcəyi üçün pəhrizə sonradan əlavə oluna bilər.

Ət məhsullarından ilk növbədə pəhrizinizə toyuq və ya hinduşka əti əlavə edə bilərsiniz, sonra tədricən həftədə 1-2 dəfə yağsız qırmızı ət istifadə edə bilərsiniz.

Unutmayın ki, uyğun olmayan qidaları eyni zamanda yemək bağırsaqların pozulmasına səbəb olur.

Orqanik.az