Koronavirusdan sonra saçların bərpasını necə sürətləndirmək olar? – VİDEO

Koronavirusa yoluxmuş bir çox insan saç tökülməsi kimi xoşagəlməz bir fəsadla qarşılaşır. “Rossiya 1” kanalında “Ən vacib olanlar haqqında” verilişində həkimlər xəstəliyin saç böyüməsinə necə təsir etdiyini izah etdilər və sağlamlığın bərpası üçün effektiv üsulları sadaladılar.

Verilişin efirində trixoloq Aida Hacıqoroyeva təsdiqləyib ki, koronavirusa yoluxmuş insanlar tez-tez saç tökülməsindən şikayət edirlər.

Orqanik.az Vesti-yə istinadən xəbər verir ki, bu, həmin şəxsin necə xəstə olmasından və həmin vaxt hansı dərmanları qəbul etməsindən asılı olaraq baş verir.

“Ən azı iki-üç gün yüksək hərarəti olan xəstələrdə, müəyyən dərman qəbul edənlərdə saç tökülür. Covid-19-dan əvvəl artıq saç problemi olan xəstələr də risk altında idi”, – deyə trixoloq izah edib.

Şiddətli Covid infeksiyası keçirmiş bir insanda saç böyüməsinin fazaları dəyişir. Xüsusilə, follikulun formalaşması daha uzun çəkir.

Saçın sağlamlığına mənfi təsir göstərən bir sıra başqa amillər də var. Onların arasında stress, intoksikasiya və mikrotromboz var.

Tibbi yardımın miqdarı saç tökülməsinin dərəcəsi ilə müəyyən edilir. Ağır itki ilə, ekspertin fikrincə, minoksidil əsasında dərman qəbul etmək lazımdır. Bu, qan damarlarını genişləndirən və böyümə mərhələsində follikulların bərpasını sürətləndirən bir maddədir. Müalicədə plazma terapiyası çox təsirlidir.

Saçların koronavirusdan sağalması orta hesabla üç aydan altı aya qədər çəkə bilər.

Aslan Məmmədov
Orqanik.az