Vitamin və Minerallarla Zəngin Qlütensiz Qarabaşaq unu

Taxılların üyüdülməsi ilə əldə edilən un qida sektorunda bir çox sahədə istifadə olunur. Xəmir məmulatlarının əsas tərkib hissəsi olan un müxtəlif taxıl mənbələrindən süfrələrin qonağıdır. Qida sənayesində bir çox un növləri var. Hər unun öz rəngi və xüsusiyyətləri var. Qlütensiz qidalanaraq arıqlamağı hədəfləyənlərin pəhriz siyahısında isə qarabaşaq yarması və qarabaşaq unu mütləq yer alır. Qarabaşaq ununun faydaları nələrdir? harada satılır? nələr hazırlanır? qarabaşaq unu ilə bağlı bütün sualları Evdar.az təqdim edir.

Qarabaşaq Unu Nədir?

Qarabaşaq adını görənlər bu unun buğdadan alındığını düşünə bilər. Əslində bu fikir qarabaşaq unu üçün keçərli deyil. Çünki qarabaşaq unu “Qreçka” adlı taxıla çox oxşar bitkidən alınır.

Bütün dünyada çox məşhur olan və ölkəmizdə adını günü-gündən dilə gətirən “qreçka” qırxbuğumkimilər fəsiləsinə aiddir. Xüsusilə qlütensiz qidalananlar üçün möcüzə qida olan qarabaşaq unu, qlüten həssaslığı olanların reseptlərinə dad verir. Qida dəyəri yüksək olan qarabaşaq unu vitamin və minerallar baxımından güclü dəyərləri əks etdirir.

Qarabaşaq Ununun Faydaları

Qaraciyərin yağlanmasının qarşısını alır

Qarabaşaq ununun faydaları arasında qaraciyərin yağlanmasının qarşısının alınması vəzifəsi də var. Qarabaşaq ununda xolin var. Bu faydalı maddə qaraciyərin yağlanmasının da qarşısını alır. Qaraciyər yağlanmasına qarşı tədbir aldığınız zaman sizi daha sağlam bir həyat gözləyir.

Pəhriz qidası üçün uyğundur

Qarabaşaq unu aşağı kalorili qidadır. Qarabaşaq unu ilə hazırlanan uyğun reseptlər sayəsində çəkiyə nəzarət edə bilərsiniz. Aşağı kalorili pəhriz yaratmaq istəyirsinizsə bu siyahıya qarabaşaq unu əlavə edə bilərsiniz. Tərkibində pəhriz lifləri olan qarabaşaq unuyla hazırlanan qəlyanaltılarla həm toxluq hissi duyub, həm də daha az kalori alacaqsınız.

Qan şəkərini balanslaşdırır

Tərkibində maqnezium olan qarabaşaq unu qan şəkərini balanslaşdırır. Maqneziumu müntəzəm qəbul etdikdə uzun müddət toxluq hiss edəcəksiniz. Qarabaşaq unu ilə qidalar qəbul edərək ani aclığa müqavimət göstərə bilərsiniz. Qəlyanaltı məhsulları hazırlayarkən qarabaşaq ununa üstünlük verə bilərsiniz.

Ürək-damar xəstəliklərindən qoruyur

Özünüzü ürək-damar xəstəliklərindən qorumaq üçün qarabaşaq unu seçimindən istifadə edə bilərsiniz. Qarabaşaq unu aterosklerozun qarşısını alır və qan dövranını tarazlaşdırır. Ürək xəstəliklərindən uzaq bir həyat sürmək üçün ağ un əvəzinə qarabaşaq unundan istifadə etməyi məsləhət görürük.

Qlütensiz

Qarabaşaq ununun qlütensiz olub-olmaması ilə maraqlananlara şad xəbər verək. Bəli, qarabaşaq unu qlütensizdir. Çölyak xəstəliyi və qlütenə alergiyası olan birisinizsə, evdə mütləq qarabaşaq unu olmalıdır.
Qarabaşaq unu ilə hazırlanan yeməklər həssas insanların mədəsinə dad verə bilər.

Qan təzyiqini tənzimləyir

Qan dövranını tənzimləyən qarabaşaq unu təzyiq xəstələrinin qida rasionunda öz yerini tutur. Yüksək qan təzyiqi xəstələrinin təzyiq dəyərini ideal rəqəmlərə çatdırır və yaranan narahatlığın qarşısını alır. Qan təzyiqini aşağı salır, həmçinin xolesterin səviyyəsini normal dəyərlərə endirir.

Bağırsaq funksiyalarını tənzimləyir

Tərkibində pəhriz lifləri olan qarabaşaq unu bağırsaqları rahatlaşdırır və həzmsizliyin qarşısını alır. Ağ un istehlak edərkən bağırsaq tənbəlliyi yaşayırsınızsa, bundan sonra qarabaşaq unundan istifadə edə bilərsiniz. Bağırsaqların sağlamlığını qoruyan bu faydalı un həzm sistemi üçün vacib qidadır.

İmmunitet sistemini gücləndirir

Tərkibində B vitaminləri olan qarabaşaq unu yüksək qida dəyəri ilə bir çox reseptlərin əsas tərkib hissəsidir. Bədənin müqavimətini qoruyan və vitamin ehtiyacını ödəyən qarabaşaq unu ilə immunitet sistemini uzun müddət güclü saxlaya bilərsiniz.

Qarabaşaq Ununun Kalori və Qida Dəyərləri

• 1 çay stəkanı qarabaşaq unu: 268 kalori
• 40 qram qarabaşaq unu: 134 kalori
• 1 çay qaşığı qarabaşaq unu: 4 kalori
• 1 xörək qaşığı qarabaşaq unu: 37 kalori
• 1 stəkan qarabaşaq unu: 469 kalori
• 100 qram qarabaşaq unu: 335 kalori

Reseptlərinizə ləzzət qatan qarabaşaq ununda hansı vitamin və minerallar var? İndi isə 1 stəkan qarabaşaq unundakı qida dəyərinə nəzər salaq:

• 98,83 qram karbohidratlar
• 17,67 qram protein
• 4,34 qram yağ
• 14 qram lif
• 15,4 mq natrium
• 807,7 mq kalium
• 57,4 mq kalsium
• 5,68 qram dəmir

Qarabaşaq Unu Harada Satılır?

• Bu unu supermarketdən, təbii kənd məhsulları və glütensiz məhsullar satılan mağazalardan əldə edə bilərsiniz.
• Qarabaşaq ununu tapa bilməyənlər onlayn satan mərkəzlə əlaqə saxlaya bilərsiniz.

Qarabaşaq Unu İlə Nə Hazırlamaq Olar?

• Ağ və ya qəhvəyi un istifadə edən hər hansı reseptə qarabaşaq unu əlavə edə bilərsiniz.
• Şorbanı qatılaşdırmaq üçün uyğun undur.
• Qlütensiz və pəhriz tortu hazırlamaq istəyirsinizsə keks qarışığına əlavə edə bilərsiniz.
• Səhər yeməyində isti çörək və ya pancake vermək istədiyiniz zaman qarabaşaq unundan istifadə edə bilərsiniz.
• Qarabaşaq unu ilə peçenye hazırlayaraq çay və qəhvə saatlarınızı şirinləşdirə bilərsiniz.
• Qarabaşaq unu ilə əriştə və makaron da hazırlaya bilərsiniz.
• Qarabaşaq ununu digər unlarla qarışdırıb, xüsusi reseptlərdən istifadə edə bilərsiniz!

Qarabaşaqdan hazırlanan ləziz reseptlər aşağıdakı məqalələrdə: