İnsan sağlamlığı üçün bir çox faydası olan şorba hər bölgəyə aid bir çox fərqli reseptlə və qaydayla hazırlanır. Şorbalar xəstələnəndə ağlımıza gələn ilk sulu yemək növüdür. Şorba bütün fəsillərdə yayda və qışda süfrələrdə öz yerini tutur. Xüsusilə Ramazan ayında hər gün bişirilən şorbaların tutarlılığını saxlamaq çox vacibdir. Standart konsistensiyaya malik olan şorba çox qatı və ya çox sulu hazırlandıqda dadını itirir. Ona görə də mətbəxin əsas yeməklərindən olan şorbalar hazırlanarkən dad baxımından düzgün konsistensiya verilməsi vacibdir. Bunun üçün çox qatı deyil, bir az qatı şorba hazırlamaq lazımdır. Belə ki, asan və təsirli üsullardan hər hansı birini tətbiq etməklə daha qatı şorba bişirə bilərsiniz.

Evdar.az şorbanı düzgün və tam tutarlılıqda qatılaşdırmaq üçün biclikləri təqdim edir.

Şorba duru olarsa, blenderin köməyi ilə qatılaşdıra bilərsiniz,
İçərisinə tərəvəz əlavə edib qatılaşdıra bilərsiniz,
Və ya şorbanı çox qaynadıb qatılaşdıra bilərsiniz.

İlk olaraq bişirdiyiniz şorba çox sulu olarsa, daha çox qaynadıb qatılaşdıra bilərsiniz. Ancaq bu üsuldan başqa tətbiq edə biləcəyiniz bəzi fəndlər var.

Bəzən şorba bir-biri ilə bütünləşmir və qaynatsanız da konsistensiyasını saxlamır. Ona görə də blenderlə çəkib püre halına salmaqla qatılaşdırmaq olar. Şorbanı hamar olana qədər blenderlə qarışdırma bilərsiniz və ya dənəli qalmağını istəyirsinizsə, bir az az blenderlə əzin.

Bundan əlavə, müraciət edə biləcəyiniz başqa bir üsul isə kartof, düyü,vermişel, noxud kimi məhsulları əlavə edərək şorbalarınızı qatılaşdırmaqdır. Şorbalarınıza düyü və ya kartofu qaynadıb və ya bişirərək əlavə edə bilərsiniz. Bu üsuldan istifadə edirsinizsə, duz və ədviyyat nisbətlərini bir daha yoxlamalısınız, çünki kartof artıq duzu özünə çəkəcəkdir.

Son vaxtlar ən çox istifadə edilən üsullardan biri şorbanın nişasta ilə qatılaşdırılmasıdır. Şorbanı qatılaşdıracaq bir qaşıq nişastanı bir az suda həll edib hissə-hissə qaynayan şorbaya qarışdırdıqda qatılaşdığını görə bilərsiniz.

Şorbanı qatılaşdırmaq üçün kiçik bir tavada yağı və unu qovurun. Şorbaya qovrulmuş un və yağ qarışığını əlavə edin, qarışdırın və qatılaşana qədər bişirin.

Nəhayət, tez həll etmək istəyirsinizsə, evdə bayat çörəyiniz varsa, şorbanızı qatılaşdırmaq üçün istifadə edə bilərsiniz. Bayat çörəyi şorbaya atıb blenderdən keçirin.