Sistemdən sonra halı pisləşib ölən uşaqla bağlı – TƏBİB-dən açıqlama

Şəkidə qızdırması olduğu üçün sistem vurulduqdan sonra həyatını dəyişən 5 yaşlı uşaqla bağlı rəsmi açıqlama verilib.

“Medicina” xəbər verir ki, 2018-ci il təvəllüdlü Eyvazlı Zəhra Tariel qızı 20.01.2023-cü il saat 12:30 radələrində Şəki Rayon Mərkəzi Xəstəxanasının Təcili tibbi yardım bölməsinə yerləşdirilib. Yerləşdiriləndə hərarəti yüksək (40.3 dərəcə) olub.

“Zəruri tibbi xidmətlər göstərilib. Saat 13:30 radələrində ambulator müalicə üçün evə buraxılıb. Evə buraxılanda hərarəti 37.8 dərəcə olub.
20.01.2023-cü il saat 15:15-də yenidən tibb müəssisəsinin Təcili tibbi yardım bölməsinə yerləşdirilib. Gətirilərkən Z.Eyvazlı aqonal vəziyyətdə olub, tənəffüs çatışmazlığı müşahidə edilib. Temperaturu 35 dərəcə olan pasiyentdə nəbz və təzyiq izlənməyib. Həkimlərin səyinə baxmayaraq, 15:50 radələrində dünyasını dəyişib.

Faktla bağlı müvafiq orqanlar tərəfindən araşdırma aparılır” – açıqlamada qeyd edilib.

Orqanik.az