Qanaxmalar, növləri və qanaxmalar zamanı ilk tibbi yardım

Qanaxmalar daxili və xarici omaqla 2 növə ayrılır. Daxili qanaxmaya diqanoz qoymaq üçün mütləq həkimin müayinəsi lazımdır. Xarici qanaxmaları isə adi gözlə müəyyən etmək mümkündür.
Qanaxmalar baş verdikləri damarların adına uyğun olaraq aşağıdakı formalarda baş verir:
* Arterial qanaxma zamanı axan qanın rəngi al qırmızı olur. Qanaxma zamanı isə qan nəbz atmaları kimi atışlarla axır. Bu zaman qısa müddət ərzində çoxu miqdarda qan axır.
* Venoz qanxama zamanı axan qanın rəngi tünd qırmızı olur, fasiləsiz və eyni sürətlə axır.
* Kapilyar qanaxmalar zamanı qan eyni sürətlə və zəif axır. Kapilyar qanaxma zamanı qanın rəngi al qırmızı olur. Bu cür qanaxmanı saxlamaq asandır və bəzən özü-özünə dayana bilir.
Aşağıdakılara diqqət yetirmək lazımdır.
* 250-400 ml qan itirmək orta yaşlı adam üçün təhlükəli sayılmır və orqanizmdə heç bir narahatlıq əmələ gətirməyə bilir. 1000 ml qan itirmək isə insan üçün təhlükəlidir.
* 250 ml qan itirmək bir yaşına qədər olan uşaqlar üçün təhlükəli sayılır.  
* Qanın axması nə qədər sürətli olub zaman apararsa, bir o qədər də orqanizm üçün təhlükəli sayılır. Bəzən zəif sürətlə daxili qanaxmalar olur ki, bu zaman xəstələr qanın 2/3-ni itirlər. Bu zaman qanaxma ürək-damar və mərkəzi sinir sistemində  patoloji izlər qoyur. Bu sirkulyasiya olunan qanın miqdarının azalması və beyinin, ürəyin oksigenlə qidalanmaması səbəbindən meydana çıxır.
Qanaxmalar zamanı həkim gələnə kimi qanaxmanı saxlamaq məqsədilə bütün vasitələrdən istifadə eləmək lazımdır.

Orqanik.az