Orqanizmə dərman kimi təsir edən faydalı meyvə

Avokadonun tərkibində bir çox faydalı minerallar, polidoymamış yağ turşuları, vitaminlər mövcuddur.

Bu səbəbdən də dietoloqlar hamının qida rasionuna bu faydalı meyvəni daxil etməyi məsləhət bilirlər.

Orqanik.az bildirir ki, əgər sizin bu meyvəyə heç bir allergiyanız yoxdursa, onda istənilən miqdarda istifadə edə bilərsiniz.

Avokadonun tərkibində faydalı polidoymamış yağlar çoxdur. Bu yağlar ürək-damar xəstəliklərinin əmələ gəlməsi riskini azaldır. Həmçinin, insultun və ürək tutmasının proflaktikasında da avokado əhəmiyyətli rol oynayır. Ürək xəstəliyiniz varsa rasionunuza bu meyvəni daxil edin.

Meyvənin tərkibindəki yağlar eyni zamanda qanda olan xolesterinin miqdarını normada saxlayır. Avokado insanı uzun müddət tox saxladığı üçün pəhriz zamanı da istifadə etmək tövsiyə olunur.

Bu meyvə metabolizmi və qida maddələrinin orqanizmə sovrulmasını sürətləndirir.  

Tərkibində olan mis sayəsində qanın tərkibini yaxşılaşdırır.

Avokado həzm sistemi üçün də çox faydalıdır, qəbizliyin qarşısını almağa kömək edir.  

Bundan əlavə, avokado ağrıkəsici kimi də təsir edir.

Avokado cinsi meyli artırır, kişilərin cinsiyyət sisteminə çox müsbət təsir edir.

Avokadonu çiy halda müxtəlif salatlara əlavə etmək, çörəyə çəkib yemək olar. Avokado tez xarab olur və bu səbəbdən onu uzun müddət ərzində saxlamaq olmaz.

Avakadonun özü kimi toxumu da çox faydalıdır. Lakin biz onu istifadə edərkən, düşünmədən toxumunu atırıq. Amma bu toxumların orqanizmə faydalı xüsusiyyətlərindən istifadə etmək olar.

Avokado toxumlarından necə istifadə etmək olar?

Əvvəlcə avokado toxumunun qəhvəyi rəngli qabığını soyun. Daha sonra toxumu sürtgəcdən və ya blenderdən keçirərək toz halına salın.

Əldə olunan tozu salatlara, yeməklərə, hətta meyvə şirəsinin içinə 1 qaşıq əlavə edə bilərsiniz.

Avakado toxumunun tozu immuniteti artırır, çəkini azaldır, dərini təmizləyir, qanda olan xolesterinin səviyyəsini aşağı salır, xərçəngin qarşısını alır, iltihabı azaldır, təzyiqi aşağı salır, mədə-bağırsaq problemlərini aradan qaldırır, yaşlanmağı zəiflədir, böyrəklərin sağlamlığı üçün çox faydalıdır.

Bütün bu faydaları nəzərə alaraq, bu möcüzəvi meyvədən istifadə edərkən onun tumunu atmayın. Özü qədər tumu da faydalı olan bu meyvədən tez-tez istifadə etmək məsləhətdir.

Orqanik.az