Mətbəx Divarının Dekorasiyası Üçün 5 İDEYA

Mətbəxinizə qısaca nəzər salın. Ən çox diqqətinizi çəkən nədir? Rəngli və köhnəlmiş divar boyası, yoxsa sönük və darıxdırıcı divarlar? Mətbəx dekorasiyasında mühüm rol oynayan divarları asan üsullarla yeniləyərək mətbəxinizə çox fərqli bir atmosfer qata biləcəyinizi bilirsinizmi? Əgər siz də kiçik dəyişiklikləri sevirsinizsə və mətbəxinizin təmirə ehtiyacı olduğunu düşünürsünüzsə, bu 5 ideyanı mətbəxin divar bəzəyində tətbiq edə bilərsiniz. Evdar.az daha müasir və gözəl görünən mətbəx üçün divar bəzəklərində istifadə edə biləcəyiniz 5 təklifi təqdim edir.

Fərqli Rənglərdən İstifadə

Mətbəx divarında yeni rənglərdən istifadə etmək mətbəxi təmir etməyin ən qənaətcil və sürətli yoludur. Ancaq bir rəng yerinə 3 fərqli rəngi birləşdirsəniz, daha zərif görünüş yarada bilərsiniz.

1-ci rəng: Dəyişdirilə bilməyən mətbəx rəngidir. Onu dəzgahın üstündə və ya mətbəx şkaflarında seçə bilərsiniz.
2-ci rəng: Neytral rəngə üstünlük verilir. Dekorunuzda fon rolunu oynaya bilər.

3-cü rəng: Mətbəxinizin daha özünəməxsus bir görünüşə sahib olmasına üstünlük verilir. Digər rənglərlə qarışacaq cəsarətli və qeyri-adi bir rəng ola bilər. Sarı, narıncı, çəhrayı, qırmızı kimi gözəl tonlara üstünlük verilə bilər.

Rəngləri seçərkən, bəyəndiyiniz rəngləri birlikdə birləşdirin. Bu şəkildə daha asan seçim edə bilərsiniz.

Açıq Rəf Dəbi

Mətbəx dizaynında tez-tez istifadə olunan açıq rəflərin istifadəsini divarlarınıza daxil edə bilərsiniz. Boş divarlara erqonomik rəflər yerləşdirməklə, saxlama yerinə qənaət etməklə yanaşı, fincan, nəlbəki və dekorativ boşqab kimi əşyalarınızı bu rəflərdə nümayiş etdirə bilərsiniz. Hətta yemək bişirərkən tez-tez istifadə etdiyiniz yemək kitablarını belə bu rəflərə düzə bilərsiniz. İstəyirsinizsə, mətbəx şkaflarının qapılarını sökərək, interyeri müxtəlif rənglərə boyamaqla açıq rəf görünüşü əldə edə bilərsiniz. Rəfləri daha cəlbedici etmək üçün altına led lampalar quraşdıra bilərsiniz.

Fokus

Mətbəxinizə qonağın gözü ilə baxın. İlk girdiyiniz zaman diqqətinizi hansı divar çəkir və ya bütün gözləri hara cəlb etmək istəyirsiniz? Fokus nöqtəsini təyin etdikdən sonra bu divara böyük ölçülü bir rəsm asın. Divar kağızı sevirsinizsə, divar rənginə uyğun olaraq teksturalı və ya naxışlı kağızları seçə bilərsiniz.

Şəxsi Zövqlər

Mətbəxinizi daha isti etmək üçün öz zövqlərinizi ortaya qoymağın vaxtıdır! Sevimli kiçik bitkilərinizi açıq rəflərə yerləşdirə və dəzgahın bir hissəsini qəhvə küncünə çevirə bilərsiniz. Sevdiyiniz rəsmləri seçdiyiniz divara mərkəz nöqtəsi kimi quraşdıra bilərsiniz. Mətbəxinizdə öz zövqlərinizi əks etdirərək özünüz üçün daha səmimi və isti bir mühit yarada bilərsiniz.

Yazı lövhəsi

Mətbəxinizdə uyğun bir yerə yazı lövhəsi əlavə etmək ən qənaətcil fikirlərdən biridir. Sevdiyiniz sözləri lövhəyə yaza, qəhvə şəkilləri çəkə və ya günün menyusunu əlavə edə bilərsiniz.

Mətbəx dekorasiyasıyla bağlı bu məqalələrə də göz ata bilərsiniz.