Limfadenopatiya

İnfeksion xəstəliklərin orqanizmdə əmələ gətirdiyi əlamətlərdən biri də limfa vəzilərinin zədələnməsidir. Bu zədələnmə limfodenopatiya adlanır. İnfeksion xəstəliklər zamanı mikrobun daxil olduğu nahiyyəyə yaxın yerdə limfa vəzisi limfogen iltihaba uğrayır. İnfeksiya orqanizmə qan vasitəsilə düşdükdə isə limfa vəzisi hemotogen iltihaba uğrayır. Limfa vəzisinin böyüməsini aşkar edərkən onun yerini, ölçülərini, sayını, bərkliyini, hərəkətliliyini, ətraf toxuma və dəri ilə birləşməsini və onun inkişaf mərhələsi öyrənilir. Bəzən orqanizmə düşən infeksiyanın orqanizm təsirinin zəifliyindən limfa vəziləri az böyüyür. Məsələn, brüselyoz xəstəliyi zamanı, xəstəlik bütün orqanizmdə müxtəlif patologiyaların əmələ gəlməsinə səbəb olmasına baxmayaraq limfa vəziləri az böyüyür. Bəzən isə limfa vəziləri böyüyür, bubon əmələ gətirir, ağrılı (taun xəstəliyində) və hərəktsiz (periadenit nəticəsində) olur. Tülaremiya zamanı isə limfa vəziləri elə böyüyür ki, onların ölçüləri xaricdən gözlə görünür. Bu zaman limfa vəzilərinin ölçülərini asanlıqla müəyyən etmək our. Amma tülaremiya zamanı limfa vəziləri az ağrıyır və yerini dəyişə bilir.
Bəzi infeksion xəstəliklər zamanı bütün limfa vəziləri prosesə cəlb olunur. Bu xəstəliklərə aiddir:
– infeksion mononukleoz
– listerioz
– sifilis
– brüselyoz.
Limfa vəzilərində əmələ gələn patoloji dəyişkənliklər infeksiyanın növündən, daxil olma yollarından və miqdarından asılı olaraq dəyişə bilir.

Orqanik.az