Koronavirus gözlərdə konyuktivitə səbəb ola bilər

COVID-19 virusu gözlərdə konyuktivitin yaranmasına səbəb ola bilir.

Orqanik.az Trend-ə istinadən xəbər verir ki, bu barədə Səhiyyə Nazirliyinin mütəxəssis-eksperti Tural Qəlbinur deyib.

O qeyd edib ki, bu zaman gözlərdə qızarıqlıq, ağrı, göynəmə, yanma və yaş axma kimi əlamətlər meydana çıxır.

“Həmçinin şəkərli diabet, hipertenziya və başqa xroniki xəstəlikləri olan insanlarda koronavirus qanın laxtalanma sistemini pozduğundan retinada qanama və başqa əlamətlər meydana çıxa bilər. Əgər xəstələrdə görmənin ani zəifləməsi baş verərsə, dərhal oftalmoloqa müraciət etməlidirlər”, – deyə o bildirib.

Orqanik.az