Koronavirus allergiya xəstələri üçün nə dərəcədə təhlükəlidir?

Rusiyalı immunoloq-allerqoloq və ali kateqoriyalı həkim, tibb elmləri namizədi Nadejda Logina bildirib ki, allergiya xəstələri koronavirusun təhlükəli nəticələri ilə üzləşə bilərlər.

Orqanik.az oxu.az-a istinadən xəbər verir ki, o, xəbərdarlıq edib ki, koronavirusdan sağalanlarda, uzun bərpa prosesindən sonra da, allergiyanın şiddətlənmə riski var.

“Mən bunu pasiyentlərimdə müşahidə edirəm. Tutaq ki, 15 il ərzində allergik xəstəliklərdə kəskinləşmə olmayıb, lakin koronavirusdan sonra xəstəlik yenidən baş qaldırıb”, – deyə Logina izah edib.

İmmunoloq əlavə edib ki, kəskinləşmə istənilən vaxt, hətta digər virus xəstəlikləri zamanı da baş verə bilər. Onun sözlərinə görə, istənilən infeksiya köhnə xroniki prosesləri şiddətləndirə bilər.

Orqanik.az