Hər gün badam südü içsəniz…

Badam südü dünyanın bir çox ölkəsində geniş istifadə edilir. Son vaxtlar isə Azərbaycanda istifadəsinə başlanılıb. Gənclər bunu daha çox kofe ilə birlikdə içirlər. 

Orqanik.az Axşam.az-a istinadən xəbər verir ki, inək südünə allergiyası olan insanların üstünlük verdiyi bu süd eyni zamanda vitaminlərlə zəngindir və orqanizm tərəfindən tam mənimsənilir.

Badam südünün faydaları nələrdir?

– Tərkibində xolestrin olmadığı üçün ürək-damar sistemi xəstəliklərinin qarşısını alır

– Sinir sistemi üçün çox faydalıdır – sakitləşdirir, beyinin fəaliyyətini, yaddaşı yaxşılaşdırır

– İmmuniteti artıraraq xəstəliklərdən qoruyur

– Xüsusilə, öskürək və bronxit zamanı faydalıdır

– Böyrəkdəki duzları təmizləyir

– Maddələr mübadiləsini sürətləndirir

– Kişilərdə potensiyanı yaxşılaşdırır

Badam südünü necə hazırlayaq?

30 badam ləpəsi götürülür, üzərinə 1 stəkan qaynar su tökülür, 20 dəqiqə saxlanır, qabıqları soyulur. Ağardılmış badamı blenderə tökürük, üzərinə 100 ml qaynanmış su əlavə edirik, yaxşı əzirik. Alınmış badam südünü tənzifdən süzürük, üzərinə 200 ml inək südü əlavə edirik, qarışdırırıq. (İnək südü allergiyası olanlar su əlavə edə bilər). Südə 1 çay qaşığı bal və bıçağın ucunda darçın əlavə edirik, qarışdırırırq və içirik.

Badam südünü hər gün 1 stəkan olmaqla içmək olar.

Orqanik.az