Dəmrov otunun faydaları

Dəmrov otunun faydaları.Dəmrov otu xaşxaşkimilr fəsiləsinə aiddir. Onun şirəsini sıxdıqda narıncı rəngdə şirə axır. Dəmrov otunun şirəsindən xalların və dəridə əmələ gələn kiçik ölçülü papillomaların müalicəsində itifadə edilir. Əsasən də kök hissəsinin şirəsinin tərkibində xalların əriməsi üçün lazım olan maddə var. Dəmrov otunun çiçək və yarpaqlarında 1,87% alkoholid olduğu halda, kökünün şirəsində 4,4% alkoholidlər var. Bu səbəbdən də kökün şirəsinin papillomalara və xallara təsiri daha güclü olur.
İbn Sinanın qədim əlazmalarında dəmrov otunun faydaları barədə yazılara rast gəlinir. Bu əlyazmalarda dəmrov otu ilə balın1:1 nisbətində qarışımının zəif odda qaynadılmasından əmələ gələn maddənin göz xəstəliklərinə çox faydası olduğu barədə yazılara rast gəlinir.
Dəmirotunun qurusunu toz halına gətirdikdən sonra ona vazilen və lanolin əlavə edilir. Bu qarışım plantazan adlanır və qarışımdan dəri vərəmində, psoriazda, dəri xərçəngində, mazollar zamanı istifadə edilir. Qarışım aşağıdakı qaydada hazırlanır:
* dəmrovotu – 10qram
* vazelin – 10 qram
* lanolin – 10 qram
* karbol turşusu – 10 damcı
Dəmrovotu şiş əleyhinə təsirə malikdir. Onun infarkdan sonra əmələ gələn çapıqları sağaltmaq qabiliyyəti var. Bu məsədlə 1 xörək qaşığı dəmrovotu termosda 20 dəqiqə dəmlənir və gündə 3 dəfə yeməkdən əvvəl 2 xörək qaşığı qəbul edilir.
Dəridəki papillomaları təmizləmək üçün dəmrov otu, gicirtkən və gülümbahar çiçəyi xırdalanır və qarışdırılır. Br xörək qaşığı qarışım termosda 1 stəkan qaynar suda dəmlənir. Dəmləmədən səhərlər acqarına yarım stəkan içilir.
Dəmrovotunun təzə sıxılmış şirəsi ilə dəridə olan kandilomaları, papillomaları, polipləri, mazolları, parodontozu təmizləmək olur. Dəmrov otunun dəmləməsi qaraciyər və öd kisəsi xəstəlikləri zamanı çox faydalıdır.
Düz bağırsağın polipləri zamanı dəmrovotu ilə imalə eləmək poliplərin yox olmasına səbəb olur. Bunun üçün 6-7 damcı dəmrov otu şirəsinə 60 qram su əlavə edilir və imalə tətbiq olunur. Bağırsaqlarda olan polipləri yox etmək üçün isə dəmrov otunun çiçəyi zoğları ilə birlikdə ətçəkən maşından keçirilir və şirəsi sıxılır. Bir litr dəmrovotu şirəsinə 500 qram araq və ya spirt qatılaraq qarışdırılır. Mədə polipləri zamanı gündə 3 dəfə yeməkdən əvvəl 1 çay qaşığı qəbul edilir. Bir neçə gün sonra isə 1 xörık qaşığı gündə 3 dəfə qəbul edilir.
Sidik kisəsinin xəstəlikləri zamanı 100 qram təzə dəmrov otu xırdalanır və 100 qram arağa qatılaraq soyuq və qaranlıq yerdə 2 həftə saxlanılır. Gündə 3 dəfə 20 damcı yeməkdən əvvəl qəbul edilir.

Orqanik.az