Dırnaqdakı göbələkləri bu üsullarla müalicə edin

Əl və ayaq dırnaqları göbələklərin ən çox yayıldığı yerlər arasındadır. Müalicə edilmədikdə isə dırnağı itirməyə belə səbəb ola bilər.

Orqanik.az Axşam.az-a istinadən dırnaqlarda olan göbələkləri müalicə edərək sağaltmağa imkan verən üsulları təqdim edir.

1) Sarımsaq

Sarımsağın tərkibindəki komponentlər dırnağı təmizləyir, infeksiya əlamətlərini aradan qaldırır və səthini daha sağlam edir.

Bunun üçün sarımsağı incə doğrayın və ya əzin. Daha sonra sarımsağı dırnağınıza çəkin və sarğı ilə sarın. Ən azı 45 dəqiqə belə gözləyin. Sonda ərazini ilıq su ilə yuyun. Dırnağınız tam sağalana qədər bu üsulu hər gün tətbiq edin.

2) Alma sirkəsi

Alma sirkəsinin tərkibindəki üzvi turşular infeksiyaya səbəb olan göbələyin inkişafının və çoxalmasının qarşısını alır. Dırnaq göbələyi problemindən əziyyət çəkirsinizsə, problemli dırnağınıza bir parça pambıq köməyi ilə alma sirkəsi çəkin. Sonra həmin pambığı sarğı ilə dırnağınıza bərkidin. Bir gecə belə yatın. Dırnağınız tam sağalana qədər bu üsulu hər gün tətbiq edin.

3) Limon suyu

Limon suyunun tərkibində olan turşular dırnaqları gücləndirir və infeksiya ilə mübarizə aparır. Limon suyunu göbələk problemi yaşadığınız dırnağınıza çəkin. Dırnaqlarınız tam sağalana qədər bu üsulu gündə iki dəfə edin.

4) Zeytun yağı və sarımsaq 

Zeytun yağı dərini nəmləndirir və göbələyin yaratdığı qaşıntıları azaldır.

Bunun üçün əvvəlcə sarımsağı əzin və bir az zeytun yağı ilə qarışdırın. Sonra bu qarışımı qızdırın və soyumağa qoyun. Bu qarışımı göbələk olan dırnağa nazik təbəqə halında çəkin. Dırnağınız tam sağalana qədər bu üsulu hər gün tətbiq edin.

Orqanik.az