DİQQƏT! “Tik-Tok”da Trend Olan Bu Resept Ölümə Səbəb Olur

Tik-Tok sosial şəbəkəsində “Sleepy Chicken” (Yuxulu Toyuq ) adlı yeni trend yaranıb. İstifadəçilər soyuqdəymə və öskürək dərmanında toyuq döşünü necə bişirdiklərini lentə alırlar. Bu resept tibb mütəxəssisləri tərəfindən təhlükəli olduğu barədə xəbərdarlıq edilir.

Evdar.az-ın məlumatına görə, absurd yemək videolarının tez-tez paylaşıldığı bu platformada yenicə ortaya çıxan bu tendensiya bir çox insan tərəfindən paylaşılıb. Onlarla insanın birlikdə sınadığı bu tendensiya milyonlarla insanı böyük təhlükələrlə üz-üzə qoyur.

Öskürək siropunda bişmiş toyuq trendi ölümə səbəb olur.

Bu çağırış zamanı istifadəçilər soyuqdəymə və öskürək şərbətində yuxuya aparan və adamı yuxulu edən yemək bişirmə texnikasından istifadə edir. Videoda istifadəçilər toyuğu bişirməzdən əvvəl bu şərbətlə örtür və sonra bu şərbətdə bişirirlər.

ABŞ Qida və Dərman İdarəsi (FDA) insanları bu tendensiyaya qoşulmamaq barədə xəbərdarlıq edir. Onlar bildirirlər ki, əksər dərmanlarda olduğu kimi, həddindən artıq istehlak çox təhlükəlidir.

FDA, bir çox yeniyetmənin bu trendi sınadıqdan sonra xəstəxanaya yerləşdirildiyi və öldüyü barədə xəbərlər yayıldıqdan sonra ictimai bildirişlər verməyə başladı.

FDA tərəfindən edilən elanda;

“Həmyaşıdların təzyiqi ilə idarə olunan sosial media tendensiyası, reseptsiz satılan dərmanları sui-istifadə edən insanların onlayn video kliplərini nümayiş etdirir və izləyiciləri də buna təşviq edir. Çox vaxt gəncləri hədəf alan bu video çağırışlar insanlara zərər verə və hətta ölümə səbəb ola bilər. Dərmanı qaynatmaq onu daha çox konsentrasiya edə və xassələrini başqa yollarla dəyişdirə bilər. Toyuq ətini yeməsəniz belə, bişirərkən dərmanın buxarını udmaq çox miqdarda dərmanın orqanizminizə daxil olmasına səbəb ola bilər. O, həmçinin ağciyərlərinizə zərər verə bilər. Kimsə fərqində olmadan təhlükəli dərəcədə yüksək həcmdə öskürək və soyuqdəymə dərmanı qəbul edə bilər” deyə xəbərdarlıq edilib.