Bu qidaları soyuducuda saxlamayın, yoxsa…

Soyuducu tarixin ən böyük ixtiralarından biridir. 

Orqanik.az lent.az-a istinadən xəbər verir ki, mütəxəssislərin fikrincə, bütün məhsullar soyuducuda saxlamaq üçün düzgün deyil.

1. Bütöv qarpız və yemiş

Birincisi qarpız və yemiş soyuducuda çox yer tutur. Həmçinin onların soyuducuda yetişmə prosesi dayanır. Buna görə də, qarpız və yemiş almısınızsa, onları otaq temperaturunda saxlayın. 

2. Kartof

Kartofu soyuducuda saxladıqda tərkibindəki nişastalı kompleks karbohidratlarda kimyəvi dəyişikliklər baş verir. Məhz buna görə də kartofu yaxşı havalandırılan səbətdə və ya qutuda, birbaşa günəş işığından uzaq saxlayın.

3. Bal

Tərkibində yüksək şəkər olduğu üçün bal otaq temperaturunda xarab olmur, ona görə də balı soyuducuya qoymağa ehtiyac yoxdur. Həmçinin bal soyuduqda bərkiyir və kristallaşır. 

4. Qəhvə

Soyuducuda qəhvə dənələri və ya üyüdülmüş qəhvəni saxlamaq olmaz. Öz dadını və ətirini itirəcək, həm də digər məhsulların qoxularını udacaq. Qəhvəni otaq temperaturunda şkafda saxlamaq daha yaxşıdır.

5. Pomidor

Soyuq, yetişmə prosesində maneə törədir və dadı öldürür. Pomidorları birbaşa günəş işığından uzaq bir rəfdə saxlayın.

6. Xiyar

Xiyar soyuğa çox həssasdır və otaq temperaturunda daha yaxşı olur.

7. Soğan

Aşağı temperatur və yüksək rütubət soğan üçün çox zərərlidir. Soğan yaxşı havalandırılan, qaranlıq və sərin yerdə saxlanılır. 

8. Sarımsaq

Soyuducuda sarımsaq kifləşə və cücərməyə başlaya bilər. Buna görə də, sarımsağı otaq temperaturunda qaranlıq, yaxşı havalandırılan yerdə saxlayın.

9. Çörək

Çörəyi qutuda və ya şkafda saxlayın. Soyuducuda kiflənməsə də, köhnələcək və dadsız olacaq. 

10. Bitki yağları

Zeytun, günəbaxan, kokos və digər bitki yağları aşağı temperaturda saxlamaq düzgün deyil. Çünki həmin yağları soyuducuya qoyulduqda tez sərtləşəcək. Onları sərin, qaranlıq yerdə saxlayın.

Orqanik.az