11 aylıq uşağın qidalanması

11 aylıq uşağın sağlam böyüməsi üçün ona həm ana südü, həm də əlavə və rəngarəng qida rasionu lazımdır. Əlavə qida rassionunda isə karbohidrat, zülal və yağ olmalıdır. 11 aylıq uşağa artıq xırda doğranmış meyvələr, tərəvəzlər verilə bilər. 11 aylıq sağlam uşağın ağzında 4-6 diş çıxmış olur. Indi uşağa ət püresi əvəzinə xırda doğranmış və yaxşı bişmiş ət yedizdirməyin vaxtı çatmışdır. Tamam bişmiş ətin özünü də hisssə-hissə uşağa yedizdirmək mümkündür. Bu yaşda olan uşağa ətin suyunda tam bişmiş düyünü yedizdirmək mümkündür.

Bu yaşda olan uşağa verilən meyvələri sürtkəcdən keçirib qaşıqla yedirmək lazımdır. Bu yaşda olan uşağın qabağına xırda dilimlənmiş alma, armud qoyub onun özünün yeməsini gözləmək lazımdır. Amma bu zaman uşağı diqqətlə izləmək lazımdır ki, meyvə dilimləri uşağın qida borusuna düşməsin. İndi artıq balıq ətini vilka ilə əzib uşağa vermək olar.
11 aylıq uşaq gün ərzində 90-100 qram meyvə, 180-200 ml sıyıq, 90 qram meyvə şirəsi, 5-10 qram peçenye, suda bişmiş yumurta sarısının yarısını, 50 qram əti, 100 ml kefiri 5-30 qram balığı asanlıqlaa yeyə bilər.

11 aylıq uşaq xoşuna gələn bir çox qida məhsullarını yeyə bilər. Müxtəlif tərəvəzlərdən hazırlanmış pürelərin orqanizm üçün faydası çox böyükddür. İndi özünüz istədiyiniz trəvəzlərdən istifadə edərək püre hazırlaya və uşağınıza yedirə bilərsiniz.

Bu dövrdə uşağn ağız dadını ana öyrənməli və onun istədiyi yeməkləri bişirməlidir. Bu yeməklər ananın fantaziyasına görə də hazırlana bilər. 11 aylıq uşağa tərəvəz püresi, kəsmik və yarım yumurta sarısı ilə müxtəlif qidalar hazırlamaq olar. Bu cür qidalar uşaqların çox xoşuna gəlir. Bu yaşda olan uşağa eyni sıyığı uzun müddət yedirdikdə o qidanı qəbul etməyə bilər. Bu zaman isə sıyığa bir-neçə dilim meyvə ataraq onu dadlandırmaq və sonra uşağa yedirmək olar. Əgər uşağınızın yeməyə iştahası yoxdursa, o zaman onu yedirməzdən əvvəl təmiz havada gəzdirmək lazımdır. Bu zaman o yeməyi iştahla yeyəcək.

Orqanik.az