Peyvənd olunmuş insanlarda “omikron”un beş simptomu açıqlanıb

Britaniyalı epidemioloq, professor Tim Spektor peyvənd olunmuş xəstələrdə koronavirusun “omikron” ştammının özünü necə biruzə verdiyini izah edib.

Trend xarici KİV-lərə istinadən xəbər verir ki, mütəxəssis koronavirusa qarşı peyvənd olunanlarda “omikron”un beş simptomunu açıqlayıb. O, bildirib ki, virus mutasiyası soyuqdəyməyə bənzər simptomlara səbəb olur. Bunlara burun axması, asqırma, yorğunluq, baş ağrısı və boğaz ağrısı daxildir.

Alim qeyd edib ki, “omikron” ştammına yoluxan xəstələrin yalnız yarısında qızdırma, öskürək və qoxu olmaması kimi xəstəliyin ümumi simptomları müşahidə olunub.

“Omicron, xüsusilə peyvənd olunmuş insanlarda daha çox soyuqdəymə kimi simptomlara və daha az ümumi sistem simptomlarına səbəb olur”, – deyə Spektor vurğulayıb.

Orqanik.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Bu sayt sizə daha yaxşı təcrübə təklif etmək üçün kukilərdən istifadə edir. Bu sayta baxmaqla siz kukilərdən istifadəmizlə razılaşırsınız.